«Астана Групп» компаниялар тобының басшылығы

  • Нұрлан Смағұлов

    Astana Group президенті

    Нұрлан Еркебұланұлы — 1992 жылы құрылған «Астана Моторс» ҚМК тарихымен бірге бастау алатын Astana Group негізін қалаушысы. 1992−96 жылдары ол топтың президенті қызметін атқарды. 1996 жылдың қарашасында Смағұлов мырза «Мемлекеттік азық-түлік келісімшарттық корпорация» ЖАҚ-ын басқарды. 2002 жылдың маусымында ол «Астық Индустриясы» ҚАК Директорлар кеңесінің төрағасы атанып, сонымен бірге Смағұлов мырза қайтадан «Астана Моторс» ҚМК президенті қызметін атқарады. 2006 жылдың қаңтарында ол Astana Group тобын басқара бастайды.

    2007 жылы республикаға сіңірген еңбегі үшін Н. Смағұлов «Құрмет» мемлекеттік орденімен марапатталды.

    2009 жылы Н. Смағұлов халықаралық Ernst&Young аудиторлық компаниясының «Жыл кәсіпкері" (Entrepreneur of the year award) Халықаралық байқауының ұлттық кезеңінің жеңімпазы атанды.

    2018 жылы өндіріс қызметіне сіңірген еңбегі және еліміздің әлеуметтік-экономикалық дамуына қосқан үлесі үшін Н. Смағұлов ІІ дәрежелі «Барыс» орденімен марапатталды.

    1990 жылы «Биология және химия» мамандығы бойынша Қазақ мемлекеттік университетін бітірген.

  • Берік Ниетқалиев

    Astana Group Вице-Президенті

    Берік Жұбатқанұлы девелоперлік бөлімшеге және шаруашылық мәселелеріне жетекшілік етеді. Экономиканың түрлі салаларында көп жылдық жұмыс тәжірибесі бар. Тәуелсіз Қазақстан қалыптасқан және нарық дами бастаған жылдары ол ҚР Еңбек министрлігінің Қаржы және экономика департаментін табысты басқарды, Әлеуметтік жұмыспен қамту қорының Басқарма төрағасы, Құрылыс ҒЗИ Бас директоры, «Астана-Холдинг» корпорациясының Президенті болып жұмыс істеді.

    1985 жылы Б. Ниетқалиев ҚР Халық шаруашылығы институтының жоспарлау-экономикалық факультетін үздік бітірген.

  • Светлана Шагинян

    Astana Group Вице-Президенті

    Светлана Михайловна қаржы блогына жетекшілік етеді. 2006 жылы Astana Group вице-президенті болып тағайындалудан бұрын С. Шагинян «Астық Индустриясы» ҚАК, «Астана Моторс» ҚМК, MEGA Development компанияларында вице-президент қызметін атқарған. 1996−2001 жылдары «Мемлекеттік азық-түлік келісімшарттық корпорация» ЖАҚ бас бухгалтері, вице-президенті болып жұмыс істеді. 1995 жылдан бастап 1996 жылға дейін ол «Астана Холдинг» компаниясының жетекші маманы, тексеру басқармасының бастығы қызметтерін атқарды.

    1993 жылы «Экономист» мамандығы бойынша Алматы халық шаруашылығы институтын бітірген.

  • Орехов Геннадий Геннадьевич

    Astana Group вице-президенті

    Геннадий Геннадьевич Astana Group компаниясының вице-президенті лауазымына тағайындалмай жатып, Қазақстан, Өзбекстан, Ресей және өзге де елдердегі 20-дан астам заңды тұлғаларды 6 заңды юрисдикцияға біріктіретін Халықаралық United Cement Group холдингінің заң қызметін басқарған. 2006 жылдан 2010 жылға дейін Бүкіләлемдік Банк тобына қарасты Халықаралық Қаржы Корпорациясының әр түрлі жобаларында Орталық Азия елдеріндегі инвестициялық климат және корпоративтік басқару сұрақтары бойынша қызмет атқарған.

    Қазақстандағы корпоративтік және қаржылық заң, сондай-ақ корпоративтік басқару жайлы бірнеше жарияланымдар мен мақалалардың авторы. «Оқытушыларға арналған корпоративтік басқару оқу құралының" авторларының бірі, IFC 2009.

    1998 жылы Нью Джерси мемлекеттік универститінде (АҚШ) экономика және политология бакалавры дәрежесін алды. Сондай-ақ, «Халықаралық заң" мамандығы бойынша Абай атындағы Алматы мемлекеттік университетін тәмамдаған.

  • Сейітжан Есмағамбетов

    MEGA Center Managment Бас директоры

    Сейітжан Сәрсенғалиұлы MEGA сауда-ойын-сауық орталықтары желісін дамыту және ілгерілетумен айналысады. Astana Group компаниясына келерден бұрын ЛЕННИИПРОЕКТ, «Қазинвест» инвестицияларға жәрдемдесудің қазақстандық орталығы, «Ертіс-Авиа» авиакомпаниясы" ААҚ сияқты түрлі ресейлік және қазақстандық ұйымдарда жұмыс істеген.

    1994 жылы КСРО Көркемсурет академиясы жанындағы И.Е.Репин атындағы Ленинград кескіндеме, мүсін және сәулет өнері институтының сәулет факультетін бітірген.

  • Бекнұр Несіпбаев

    «Астана Моторс» ҚМК Атқарушы директоры

    Атқарушы директор лауазымына тағайындалғанға дейін Бекнұр Мұратұлы «Астана Моторс» компаниясында 10 жыл жұмыс істеді. Өзінің еңбек жолын қосалқы бөлшектерді сату бөлімінің менеджері қызметінен бастады. Кейіннен келесі лауазымдарға тағайындалған: қосалқы бөлшектер бөлімінің бастығы, техникалық директор, Hyundai Auto Astana дилерлік орталығының директоры, «Астана Моторс» ҚМК техника жөніндегі басқарушы директоры.

    2007 жылы «есеп және аудит» мамандығы бойынша Қазақ-Ресей университетін тамамдаған.